زيتون مكلس!..

في أنواع كتيرة للزيتون، والزيتون المكلس أحد ألذّ الأنواع بالنسبة إلي، الزيتون المكلس بيرجعني لذكريات الطفولة، لأيام من أجمل لحظات العمر، لحد الآن بتذكر كل التفاصيل المحيطة وقت كنا نقعد وناكل زيتون مكلس.

زيتون مكلس

زيتون مكلس، ولا الفستق الحلبي

Advertisements

21 thoughts on “زيتون مكلس!..

    1. هذا يا سيدي الوصفة من الوالدة:

      كل خمسة كيلو زيتون بتحط 100 غرام قطرونة* [بتجيبها من محلات الزيتون] مدوبة في ماء فاتر وبتحركها بمعلقة خشبية في وعاء بلاستيكي حصراً.

      بتحط الزيتون فوقهم شوي شوي بدون تطريش، وكل عشر دقائق بتحركهم حتى تشوف ولا زيتونة فايشة، بيجوز تضل 4 ساعات أو أكتر، حتى تصير الماء حمرا على سودا كتير.

      بعدين بتشيل زيتونة [عينة] وبتغسلها بالمي العادية منيح وبتدوقها، اذا طلعت نظامية ما فيها مرارة معناتها مشي الحال.

      وقتها بتقلب كل المي الموجودة بالوعاء وبتحط بدالها مي عادي [يعني مية شرب] وبتستنى كل ربع ساعة وشوف المي اذا رجع تغير لونه ارجع غير مي الزيتون هيك حتى تصير المي بيضا [شي 24 ساعة رح تضل تقلب المي].

      بتحط وقتها ماء وملح [ملوحة معقولة] بقطرميز وبتخزن فيو الزيتون وصحتين وهنا.

      * – القطرونة خطرة ما بصير تدوقها ولا بصير تدقر جلدك أو تستنشقها، لكن الكمية يلي رح تنقع فيها الزيتون حصراً 100 غرام لكل خمسة كيلو زيتون ما بتساوي خطورة على الزيتون لأنو العملية بس منشان تشيل المرارة من الزيتون، وبعدها لما بدك تغسل الزيتون أكتر من مرا لبين ما يروح كل أثر القروطنة ما بيكون في أي خطورة أثناء الأكل.

      – في حل تاني أسهل، تروح ع شي محل معلبات وتطلب علبة زيتون مكلس من شركة متل شركة الدّرة :)

  1. لك إإإإإإإإإإإيه ياعيني شهيتنا :D المكلس والمحشي فليفلة احب انواع الزيتون بالنسبة إلي

  2. يمي يمي .. باكلو متل ما باكل الفستق .كتييييير بحبو
    بحبو حتى مخلل

    لأ وكمان بحبو مع اللبنة طابات
    هالتدوينة بتعمل جوع

    1. صحتين وهنا، يا ستي ع سيرة اللبنة طابات هلأ شهيتني ورايح أحط عشا كلو من مشتقات الحليب، لبنة، سوركة، شنكليش، ويا عيني يا عيني.

  3. شممت رائحة الزيتون الزكية
    فاقتربت من داركم ….
    لابد من أنني وصلت متأخرا ً
    فلم يبقى الرفاق لي شيئا
    ولا حتى حبة زغيرة .

    مررت من حيكم فلزمتني القراءة

    ود

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s