قلعة حلب من الجوّ سنة 1924

وصلني ألبوم صور جوّية عن سوريا عالية الدقة، فهمت أنها قديمة قدم الاستعمار الفرنسي، الصور [على ذمة المصدر] قام بتصويرها أحد طياري الاحتلال، له هوس بالتصوير وذلك أثناء جولته فوق سوريا ولبنان، ثم هناك صور من الأرض تبدو أنها من جولات أخرى له.

الصور ملتقطة بكاميرا رقمية عالية الدقّة عن الألبوم الأصلي، كان يحمله رجل فرنسي طاعن بالسن هو ابن ذلك الطيّار، حيث قرر زيارة الأماكن التي حلّق والده فوقها. [يا أخي الفرنسيين عندهم مراااااق].

طبعاً لأن اتصالي سريع جداً، اضطررت لضغط الصور عن حجمها الأصلي، وان تسنت لي فرصة سأقوم بتحميل الصور الأصلية لاحقاً.

يبدو أن الر�لة الجوية كانت طائرتين لا أدري بالضبط ما هو نوعها لكن يمكنك مشاهدة رجل يقبع خلف القمرة
يبدو أن الرحلة الجوية كانت طائرتين لا أدري بالضبط ما هو نوعها لكن يمكنك مشاهدة رجل يقبع خلف القمرة، ربما يحمل رشاش أو كاميرا أخرى

يمكنك مشاهدة قلعة حلب [في الصورة بالأسفل]، ومشاهدة أنه ما من شوارع مزفتة كما هي اليوم، هذه الشوارع التي تعتبر خطأ استراتيجي جسيم، التي تم تصميمها على شكل + مخترقة جسد المدينة القديمة ونسيجها المتكامل، واليوم تبذل محافظة حلب بالتعاون مع جهات دولية جهوداً جبارة لاعادة المنطقة إلى ما كانت عليه وتحويل المدينة القديمة إلى منطقة راجلة مليئة بالفنادق والمطاعم، خصوصاً بعد تصنيف قلعة حلب ومدينتها كمنطقة من مناطق التراث العالمي.

قلعة �لب من الجوّ سنة 1924
قلعة حلب من الجوّ سنة 1924

في الصورة التالية يمكنك مشاهدة حدود المدينة التي تنتهي عند الأفق، اليوم ينتهي الأفق ولا تنتهي حدود المدينة، طبعاً الجهة التي تنتهي فيها حدود المدينة هي جهة مهملة في ذلك الزمن لم يتوسع البناء فيها، إذ أن حلب كانت متسعة ذلك الوقت حتى منطقة الجميلية.

قلعة �لب من الجهة الخلفية
قلعة حلب من الجهة الخلفية

في الصورة التالية لاحظ مدخل القلعة، لا سقف له!!، هل من أحد لديه معلومات عن ذلك، على حد علمي أن قاعة العرش هي معادة الترميم، وأن سقفها الخشبي أيضاً معاد الترميم لكن لم أكن أدري أن قاعة العرش سقفها الحجري منهار!!، من خلال غوغل ايرث يمكنك الاطلاع على أن سقف قاعة العرش مختلف اللون عن السقف الآخر، أيّ أنه تم اعادة ترميم القاعة بالكامل.

قلعة �لب وسقف قاعة العرش، لا�ظ الظل لتتأكد أنه ما من سقف لدى قاعة العرش
قلعة حلب وسقف قاعة العرش، لاحظ الظل لتتأكد أنه ما من سقف لدى قاعة العرش

من خلال صورة غوغل ايرث والتي تعود لسنة 2007 المقارنة بين مدخل القلعة اليوم ومدخلها في ذلك الوقت، حيث لا سيارات ولا أيّ آلية تذكر.

قلعة �لب من غوغل ايرث 2007
قلعة حلب من غوغل ايرث 2007 لاحظ موقع السهم الذي يدل على قاعة العرش وسقفها

طبعاً الصور القديمة من زمن الاستعمار وقد افترضت مسبقاً أنها من سنة 1924 كون هكذا وصلتني، وكما قلت هناك الكثير من الصور لأماكن في سوريا وعلى ما أعتقد من لبنان، فلتعذروني، لن أتمكن من عرضها جميعاً، عدا عن أنني بالكاد أدركت بعض الصور، فأنا نفسي لم أتمكن من التحليق حول سوريا وحتى الآن لا أعرف شيء عن آثار وطني وبلادي، ولم تسنح لي الفرصة بزيارة جميع تلك الآثار، خصوصاً المنطقة الشرقية.

دعونا ننتقل إلى دمشق، وإلى جامعها الأموي، لاحظ تواضع الأبنية حول الجامع، صراحة لا يمكنني الجزم بمقدار التغيير الحاصل، لكن في آخر مرة زرت الجامع كان بالكاد واضح في زحمة الأبنية المحيطة به.

الجامع الأموي - دمشق 1924
الجامع الأموي - دمشق 1924

ننتقل إلى حماه وإلى نواعيرها، من خلال الصورة وآخر زيارة لي للحديقة التي تضم نواعير حماه اليوم، أقول لكم التغيير مرعب، أصبحت النواعير جزء من الحديقة العامة، والنهر تم احتوائه ضمن مسار محدد العرض، ربما أنا مخطىء لكن هذا ما كان انطباعي عند المقارنة.

نواعير �ماه الرائعة
نواعير حماه الرائعة

أخيراً ما ان انتهيت من الصور شعرت بنوع من الحزن، لا أدري لماذا؟، ربما ان تسنت لي فرصة انترنت أسرع سأقوم بتحميل الصور على فليكر، حسابي في فليكر منذ سنوات دون أي صورة تذكر.

Advertisements

18 فكرة على ”قلعة حلب من الجوّ سنة 1924

  1. جميل جداً يا علوش ..

    مع أنني أرى هذه الأماكن للمرة الأولى – ماعدا الجامع الأموي- إلا أنني أحسست بألفه غريبة نحو هذه الأماكن خاصة قلعة حلب ..

    شكراً على الصور الجميلة ياعلوش ..
    والرجاء إخبارنا حال نشر باقي الصور : )

  2. علوش
    الموضوع جدّاً رائع وملاحظاتك أيضاً جميلة .. فيما يخص قلعة حلب زرت حلب مرة كان عمري 13 سنة و لكني للأسف لا أذكرها كثيراً , فيما يخص القلعة الأمر مبهم لدي أيضاً بالنسبة للسقف ..

    بالنسبة للجامع الأموي .. مازال الجامع ظاهراً بعض الشيء من الأعلى لأن الأبنية المحيطة به هي من الطراز القديم / البيت العربي / …

    أما بالنسبة له كبناء فهو من طراز / العمارة المخبأة / أي أنه صُمم خصيصاً كي لا تراه وأنت تتجول بين الحارات الضيقة وفجأة تجد نفسك أمام فسحة كبيرة وبعدها الجامع مباشرةً …

    حمــــــــــاة ,, زرتها مرة أيضاً كان عمري 11 ولا أذكرها كثيراً …

    على فكرة برنامج الغوغل ايرث برنامج أكثر من رائع .. شخصيّاً أجد متعة فائقة به .. لاحظ جمال قلعة حلب في الصورة .. تجولت كثيراً معه في سوريا و أوروبا أيضاً ..

    تدوينة ممتعة يا علوش ..

  3. محمد ::.
    ~~~~~~
    يا أهلا وسهلا فيك أخ محمد، وانشاء الله المرة القادمة تستمر في زيارتك حتى حلب، تبعد عن دمشق مسافة أربع ساعات فقط شمالاً.

    بالتأكيد في أقرب فرصة سأقوم بتحميل الصور ونشرهم.


    rana ::.
    ~~~~~
    يا ستي أنا قلت هيك على الجامع الأموي لأنو ما عندي صورة للمقارنة ومن خلال آخر رحلة، فعلاً ما توقعت مكانه للجامع، وفجاة متل ما قلتي طلع بوشي.

    برنامج غوغل ايرث حتى تشوفي متعتو الهائلة تجولي في أمريكا، الأبنية مصممة بشكل ثلاثي الأبعاد، وتم اضافة نظام ستريت فيو، وغيغا بيكسلز، وهي صور الأولى متتالية لكل شوارع أمريكان والثانية صور عالية الدقة [1000 بيكسل]، في صورة لصاروخ ديسكفري في ولاية فلوريدا، شي بيسطل، فينك تشوفي وجه الانسان وبرغي التثبيت تبع الصاروخ.

    بالنسبة للزيارات، للأسف أنا متلك، ما بعرف، بحس الوضع الاقتصادي الو علاقة بمدى قدرة السوريين على السياحة الداخلية، بعدين الترويج الداخلي للسياحة كتير ضعيف.

    على كل، اذا صحتلك نزلة على حلب، لا تفوتي الروحة على القلعة، مو منشان شي، منشان تشوفي التغيرات الرائعة لمحيط القلعة.

    كتير جاي على بالي أروح للمنطقة الشرقية، فيها آثار هائلة، بس لا بعرف المنطقة ولا حدا من رفقاتي بيعرف المنطقة ولا حدا مستعد يروح.

  4. شعرت وأنا أرى هذه الصور بألفة وراحة وكأني أرى عزيزاً لم أره منذ زمن مع أني أعيش في أرجائه كل يوم ….. المشكلة أن التضخم السكاني والمبشرة / على وزن مفرخة / قد غيرت كثيراً من ملامح حلب ……. عموما التغييرات الحالية في المدينة القديمة لا بأس بها أبداً ولكن سيأتي يوم لن يستطيع الذهاب الى هناك إلا السياح والميسرون ….. عموما هل تستطيع لو سمحت أن ترسل لي رابط الصور فأنا أملك فعليا اتصال سريع ومن الممكن أن أحملها وأرسلها لك
    سلامي لك

  5. علوش لقد زرت قلعة حلب في السنة الماضية أنا وصديقي .. تجولنا فيها كثيراً وإلتقطنا العديد من الصور .. حزنت كثيراً للإهمال الموجود في كل مناطقنا الأثرية فمثلاً تسير في القلعة فتشعر وكأنك تسير في غابة قاحلة مليئة بالحشائش الصفراء الضارة .. والحشرات الغبية والأماكن المظلمة .. هذا عدا تشويه القلعة من الداخل بكفيتريا لاطعم لها ولا رائحة ..
    عدا كل ذلك .. كانت إطلاة القلعة على مدينة حلب رائعة للغاية وكما تفضلت امتدت المدينة على خط الأفق .. كنت أتخيل نفس هذه الإطلالة لو كانت في الليل كم كانت ستكون جميلة مع الأضواء الخافتة والبعيدة ..

    بالنسبة لقاعة العرش أليست هي نفسها متحف القلعة .. لا تذكرني استلمنا وقتها المسؤول عن المتحف وقعد يحكيلنا عن تاريخ القلعة وكل قطعة أثرية أديش عمرها وكيف استعملوها .. يمكن ظل ربع ساعة وهو عن يحكي وكأنو حافظ دروس تاريخ “بصم” هيك حتى دورنا المتحف كلو .. بالأخير قلنا له : مشكور الله يعطين العافية .. نط علينا وقال: شو وين شباب كنت عم اشرحلكم مو لله .. شو ما بيطلعلنا شي من خاطركم !!!!!!!!
    طبعاً بعد الصدمة النفسية والخازوق ، عطينا شو بدنا نساوي .. :)

  6. والله برافو ياعلي أنك عملت تدوينة عن هالصور
    أنا لسا محتفظ فيهون عندي وما بعطيهون لحدا
    حاسس أنو هالصور كنز
    بس شو بدنا نعمل أنت بدك تعطيون للشباب
    يالله بيستاهلو مو خسارة فيهون

    على فكرة علي اتعذب كتير لحصل على هالصور وهنن صور قيمة بالفعل
    كنت مفكر أخدهون على وزارة الثقافة بسوريا بس خفت يقولولي ايمتا صورتون وأدخل بسين وجيم
    ههههههههه

  7. عطاالله ::.
    ~~~~~~~
    يا سيدي نعم، رح يجي يوم نحلم فيو ندوس أرض القلعة، وأنا متلك، وكل يوم بصير قريب من القعلة وما بيخطر ببالي أزورها، للأسف، بس التغيير ضروري باعتقادي، ويلي عم يصير بقلعة حلب ما صار لأي قلعة في سوريا.

    بالنسبة للصور فهمتني غلط، هن وصلوني على قرص [سي دي] وليس على انترنت، عموماً سأحاول تحميل الصور في أقرب فرصة انشاء الله.


    مستر بلوند ::.
    ~~~~~~~~~
    فعلياً الاهمال موجود وللأسف، لكن لازم تحط ببالك انك زرت القلعة وهي تحت الترميم، يعني حتى اليوم ما زالت شبكة الآغا خان تقوم بأعمال الترميم والحفر واستخراج وكشف أثري، في الآونة الأخيرة اكتشفو معبد اله الشمس، وهو من الاكتشافات الأثرية الشديدة الأهمية للقلعة.

    هناك دراسات لاستثمار القلعة ومحيط القلعة وهي دراسات يتم تنفيذها شيئاً فشيئاً، ولعل وعسى تتحقق.

    قاعة العرش ليست بمتحف القلعة، قاعة العرش هي مدخل القلعة، المربع الذي تراه ومؤشر عليه، القاعة تم اعادة ترميمها بالكامل مع سقفها الخشبي، أحياناً يقومون بوضع بعض المعارض فيها.

    يحرق حريشك، شو أول مرة بتروح فيها على منطقة أثرية، بتصير معي دائماً، مرة صارت معي بقلعة الحصن، والله شرحلنا شرح أنا قلت يا الله قديشون محترمين الحمصية، انو حاطين مين يشرح، آخر شي بلع 500 ليرة خلاني أتشردق، نسيت التاريخ والحصن وصلاح الدين من ورا.


    Alaa ::.
    ~~~~~
    من ناحية هنّ كنز، فهن كنز أكيد، لكن شو فائدتو اذا ما ورجيناه للعالم.
    أحلى علاء.

  8. أذكر شيئاً بسيطاً يخص قلعة حلب ألا وهوَ الأدراج الكثيرة , كانت بحق متعبة ..

    بالنسةب لغوغل ايرث , لم يخطر ببالي قط أن أتجول في أميركا ..
    بس المشكلة بسرعة النت عنا .. يعني بدو حلم الله لتوضح الصورة ..

    بس متل ما قلت في أماكن أكثير من رائعة منقدر نزورها عن طريق الغوغل ايرث وخاصة الابنية الحديثة أو الاثار القديمة .. يعني منشبع رغبتنا بالسفر عن طريق هالبرنامج والله يطعمنا نزور عالواقع

  9. عنجد هالصور كنز

    للأسف لاحلب ولاقلعتها زرتها، انشا الله ضروري ضروري .. لازم روح واعمل سياحة عندكم :mrgreen:

    بالنسبة للجامع الأموي، هو صح لما تكون ماشي بحارتي الأصلية (العمارة) (بدال موطني الأصلي) ما بتشوفه، يمكن لأنو البيوت كتير قريبة على بعضها.. والحارات كتير ضيقة..

    بس رغم هيك، بيبين من مناطق تانية دمشق أبعد شوي .. وقف ببرندة بالميسات حتى لو بطابق مو كتير عالي ورح تشوفه

    وبالنسبة لحماة، لما شفت الصورة كان عندي نفس الإنطباع، صح النواعير صارت جزء من الحديقة للأسف :(…

    بصراحة بخجل كتير من حالي أنو مناطق ببلدي كتيرة مابعرفها، على فكرة بلدنا معباية معباية .. اكتر بلد بالعالم معبى بالآثار، شي سمعانين عنو .. وشي بعمرنا ما سمعنا عنو

    على فكرة حسب ماسمعت أنو الحسكة كتير حلوة، ونحنا منفكرها حفرة نفرة، بس قال فيها مناظر طبيعية كتير حلوة .. (على ذمة يلي قلي)

  10. rana ::.
    ~~~~~~
    بس مو متل درج قلعة صلاح الدين، هذاك حسيت حالي رح ألاقي شي معلم بوذي بالأخير.

    يا ستي أنا ما بدخل على غوغل ايرث الا من شي محل فيو انترنت سريع، لأنو من دون الانترنت السريع مالو طعمة، بس حتى تطلعلك المزايا الجديدة، تأكدي من تحميل آخر نسخة، من http://www.filehippo.com لأنو من غوغل ما فينك تحمليه، عاملين حظر علينا.


    fatosha ::.
    ~~~~~~~
    ايه لأ بقا، هذا أمر لا يمكن السكون عنه أبداً لا حلب ولا قلعتها، ليش خيتو، لنكون في القطب الشمالي ومالنا دريانين، ايه صار بدها، صار بدها من كل بد، ولا تنسي تزوري جامعنا الأموي [أحلى من يلي عندكن :mrgreen: ].

    يا ستي عتبك علي بيعرف الحارة من الوطن، للأسف ما تجولت حول محيط الجامع، كل فكري مافي شي حواليه، أنا فكرت انو بس السوق والجامع وخلص، لا حدا قلي انو في بيوت عربية ولا حدا نبهني ولا حتى لافتة او اشارة بتقول انو في شي مهم أو يستحق الزيارة في محيط الجامع.

    أنا بالشام ما بعرف غير المزرعة، لأنو كان بيتنا هونيك، بس، فقط لا غير، بس رح أدرو على هي الميسات بس أزور الشام مرة تانية.

    لك ليش للأسف، بالعكس كتير حلوة النواعير بالحديقة العامة تبعت حماه، مرة رحنا بالصبح، وقعدنا بالحديقة على الكرسي وحولينا الشجر، وهل الناعوة قاعدة عم تجعر وهي عم تفتل، كان منظر رائع، بعدين شفت اثنين حموية واقفني على الناعورة بدهم ينطو على النهر، وكان ذلك، وكان لي أحلى لقطة بالكاميرا.

    مو بس أنت، أنا أكتر من واحد أكدلي انو الآثار الموجودة بالمنطقة الشرقية أكثف وأكتر من الموجدة في المنطقة الغربية، بس عتبك على الترويج السياحي الفاشل، وعتبك على مكاتب السياحة يلي ما بتعرف تعمل رحلات الا على تدمر.

  11. كم هي جميلة هذي الصور التي تظهر لنا كيف كانت مدننا في الماضي القريب لقد اطلقت لي هذي الصور مخيلتي كيف عاشوا وماذا فعلوا أنا اعشق الماضي لأني دوما أراه مدخل المستقبل
    شكرا لك علوش

  12. لا علوش ما في شي مهم بيستحق الزيارة، بيوت عربية عادي يعني .. بس قصدي حارة جدي هونيك قريبة، مو تمام تمام جنبه.. :)

    الميسات بتلاقيها كتير قريبة ع المزرعة !! فوق شوي .. أنا بقصد شارع برنية بالضبط

    بالنسبة لحماة فقصدي مو للأسف ع لنواعير، قصدي أنو صفيانين جزء من حديقة عامة مو متل مابينين بالصورة القديمة .. كان في مي كتير

    أي نحنا وقتها قعدنا بالجنينة وفطرنا هونيك وشربنا شاي، وبالعلامة بتذكر اشتريت 3 باكيتات مسكة من هونيك!!

    حط لنا الصورة خلينا نشوفها .. بحب هيك نهفات

    أي شفت الجامع الأموي تبعكم بالتلفزيون هديك المرة .. خلص جاية جاية .. بس فيه غدا يعني ولا ناشفة؟!

  13. مجهود جميل بعطيك العافية و الصور أكثر من رائعة و واضحة جدا. حلو يكون عنا صور فوتوغرافية بهذا الوضوح من هيديك الفترة. و الله إيام، وين كنا و وين صرنا!

  14. max13 ::.
    ~~~~~~~
    لا بل شكراً لك يا محمد.


    اسرة بهائية ::.
    ~~~~~~~~~
    أهلا وسهلا فيك.


    fatosha ::.
    ~~~~~~~
    ههه، له شو ناشفة، غدا نظامي ملوكي، بالنسبة للصورة هي رابط:


    Emad ::.
    ~~~~~~
    شايف شلون، بس وينك ما برضى هيك، وين الخمسمية، هههه.


    Ehab ::.
    ~~~~~~
    أهلا وسهلا فيك، سعيد أنها أعجبتك.


    عونيــ ::.
    ~~~~~~
    يا رجل الصور عالية الدقة من ارتفاع هائل، الكاميرا التي يملكها هائلة، وأعتقد أنها كنز حقيقي في ذلك الزمن.

    عوضك على الله أخ عوني، بعين الله.


    أمنية ::.
    ~~~~~
    لا أستطيع، ليس من صلاحياتي اضافة مقالات، انا مجرد مترجم عن الموقع الانكليزي.
    شكراً لك.

التعليقات مغلقة.