شريط اخباري…

أذكر بالضبط متى انتشر هذا الشريط القبيح على جميع القنوات الفضائية، بالضبط أثناء احتلال العراق، بدأت به قناة العربية في بداية انطلاقها ثم تبعتها قناة الجزيرة وهذا لا بأس به كونه متوافق مع طبيعة القناة الاخبارية.

لكن أن تقوم محطة منوعة بوضع شريط اخباري فهو مشكلة حقيقية، الشريط الاخباري بنظري أغبى اختراع تلفزيوني، منظره قبيح جداً، ومشتت للذهن، يعني تخيل أنك مندمج مع المسلسل، ليطلق صديقك ضحكة فظيعة؟، ماذا؟ مالذي حدث؟، يقول لك: القذافي يهدي رايس؟!!، وتبدأ أنت بملاحقة الشريط الأخباري لكن للأسف طار الخبر، تنتظر الخبر ليعود، فتنتهي الحلقة ولا تفهم شيء.

عدا عن ذلك، أغلب قنواتنا تضع شريطها الأخباري كيف ما كان، لا اللون ولا الخط متناسق، وهو حقيقة يفقد القناة هيبتها، أغلب القنوات المنوعة التي تضع شريط اخباري تكون قنوات غير جادة، أي غير مهتمة حقاً في جودة البث الذي تبثه و لا تهتم حقاً إذا أزعج الشريط الاخباري المشاهدين أثناء مشاهدتهم لمسلسل أو فيلم، فاهتمامها منصب كله على الشريط الاخباري وتحديثه.

هذا عدا عن مشكلة الأخبار على الشريط الاخباري فالمفروض أن تعيد نشرة الأخبار ما تم عرضه ضمن الشريط الاخباري، لكن المصيبة أنه لا اعادة او أية تفاصيل عن الأخبار التي قرأتها ضمن الشريط، يعني لا مصدر، لا تأكيد، يعني اشاعة أو تمرير كلام لا أكثر ولا أقل.

إذا كان للشريط الاخباري أي فوائد فأنا ضدها جميعاً، هناك نشرة أخبار يمكنك استعراض الخبر فيه بكل تفاصيله، وأي شيء آخر الأجدر بك تحويله إلى مادة بصريه غنية بالألوان والموسيقى على أن تضعه بشكل نصي فقط، وإذا لم تكن تمتلك التمويل لذلك، فلا تفعل اذاً لا هذا ولا ذاك.

Advertisements

9 thoughts on “شريط اخباري…

  1. زغير الشغلات, البتكون في الشريط:
    أتكلم عن الشرائط الغير إخبارية..

    ما بعرف واحد باعت بيقول:
    أنا شبه أحمد عز وبدي صديقة..

    ووحدة:
    أنا أرملة وبدي رجل جاد..الخ.

    شكرا لك
    تحياتي

  2. هو معك حق بتصير معي كتير، بتحكي أمي نص الخبر وأنا عم بتفرج بقوم بفوت بالحيطان لا بلحق هاد ولا بلحق هاد
    بس أوقات بيكون إلو فوائد يعني واحد مو كتير مهتم بالأخبار إلا ما يقرأ كم خبر يعني بالصدفة …أحسن من بلا ;)

    وعلى الأقل أحسن بمليون مرة من شريط المسجات .. ريتو الله يبعتلو شي عاصفة تطيره على الدول الإسكندنافية

    هلأ عموماً في شروط لازم تتبع بالشريط الإخباري، يعني ما بينحط شريط إخباري بقلب أخبار (أخبار وأخبار مابتصير)، ولا بينحط بقلب الإعلانات.. ولاالمفروض ينحط بقلب غنية ولا بوسط مباراة رياضية ..

    وللأسف هي القصص ماعم تتراعى بكل المحطات .. وأوقات بقرف حياتي من الخطوط المنتقاة ببعض المحطات .. يعني مثلا الألوان يلي بتختارها الدنيا بالأخبار يلي بتحطها كل شوي وشوي بتروح النظر والتباين فيه يكاد يكون منعدم …

    يعني

  3. بالفعل الموضوع مزعج جدا والمشكلة المطروحة مشكلة جديرة بالاهتمام يعني فعلا متل ما قلت ما منها فايدة غير انو بتشتت الذهن وبس وكلام فاضي ونشر اشاعات يعني نحنا العرب شو ناقصنا أو زايد علينا منحنا متل كشاشين الحمام ايمت ما اجا الحمام منكشو وغير هيك قاعدين لا شغلة ولاعملة ولا فارق معنا أصلا ضيعان الأخبار فينا

  4. هو المشكلة لو بس بالشريط كانت بسيطة لكن المشكة بالتقليد الأعمى لكل شيء.
    و القصة ما وقفت عند شريط صاير فيه أشرطة سياسة و رياضة و اقتصاد و … هادا غير الخبر الهام اللي بيطلع لنص الشاشة ببعض القنوات و الأشرطة اللي بتغطي الترجمة إذا فيلم أو شي مترجم…
    يعني فيه نشرات أخبار و قنوات أخبارها على مدار الساعة بتكفي.

  5. وفوق هذا أصبح الشريط الأخباري وسيلة رخيصة لكسب المال وهناك قنوات عديدة قائمة على هذا الشريط الأخباري عن طريق الابتزاز النفسي للمشاهدين الذين يرسلون مسجات لتملأ الشريط الأخباري طوال الوقت ….. وكأن لا عمل لهم سوى الجلوس أمام قنوات الاكسترا ديسكو وارسال المسجات ………

  6. يا زلمه قول شريط دعايات مع شويه اخبار مع شوية اهداءات مع شوية ابراج على شويه وصفات طبيه

  7. بس فعلاً يا علوش زي ما قالت فتوشة
    احسن بكتير من شريط المسجات
    ولا مقياس الحب الي بيستفزني جداً جداً

    يمكن من حوالي 6 شهور او اكتر عمري ما شفت نشرة اخبار او قريت شريط اخبار الا بالصدفة
    تكفيني بلاوي الجرايد هيبقى جرايد ونشرات اخبار وشرايط اخبار كمان؟

  8. أحمد نذير بكداش ::.
    ~~~~~~~~~~~~~
    لك يا سيدي خلينا نخلص من الشريط الاخباري لنصل بعدها لشريط الرسائل القصيرة، على الأقل الثاني تبرره القناة بأنه مورد هام للتمويل.


    fatosha ::.
    ~~~~~~~
    وبلا هل الخبر، دخيلك شو ورانا، يعني لو كنا رجال أعمال في قناة خاصة فينا، ولو كنا متابعين بحق للأخبار في 4 نشرات باليوم وعدا عن ذلك في 24 نشرة بقنوات الأخبار.

    بعدين تعي لهون، اذا نص الأخبار ما عم يرجعو يحكو فيها بالتفاصيل بنشرة الأخبار، شو هل المسخرة هي.

    ما بعرف، أنا بالنسبة لي مالي شايف أي نفع منو، يعني ضررو أكبر من نفعو.


    max13 ::.
    ~~~~~~~
    والله مزبوط يا محمد، كشاشين حمام، والله أحسن مثال لوضعنا.


    Ahmad . M . G ::.
    ~~~~~~~~~~~
    قصدك شريط أخبار العربية أو الجزيرة؟ ايه ممكن، لأنو هذول قنوات اخبارية شريطها مضبوط بعناية ومتوفق مع طبيعة القناة.

    بس شو رأيك بقناة 50% من أخبار شريطها كلام ممرر لا أكثر ولا أقل ولا يعاد عرضه في النشرة التفصيلية، فهيك على العكس انت مضطر لتشوف نشرة الأخبار منشان تتأكد من صحة الخبر، هذا اذا طلع.

    بعدين يعني شو بيصير اذا استنينا نشرة الأخبار، شو ورانا؟!.


    salam ::.
    ~~~~~~
    لك صحيح والله ذكرتني، لأ بيطلع خبر عاجل وبيضل عم يومض ساعة، ومن كل عقلهن مفكرين حالهن قناة أخبار، يعني مو بعلمهم انو رح نقلب فوراً على الجزيرة.

    بينسوا المسلسل والفيلم يلي هو أساساً جبلهم جمهور وبيحطو كل عقلهم مع الخبر العاجل، علماً إنو هن على معرفة تامة ما رح يتابع أخبارهم، وفهمك كفاية ;) .


    عطاالله ::.
    ~~~~~~~
    والله صح، الله وكيلك بحس حالي عم أتفرج على قناة الوسيلة، يعني شئت أم أبيت بدهم يحطو عشرين شريط اعلانات، كانو عم يعملو منية، انو فرجيناك المسلسل وبدنا نطالع حقو.


    Emad ::.
    ~~~~~~
    مع شوية رسائل توعية، لا تنساهم الله يخليك، طفي الكوندشن منشان الكهربا، لا تتحمم منشان المي، اوعاك تشغل الصوبيا، منشان المازوت، ههه.


    قطر الندى ::.
    ~~~~~~~~
    والله يا هبة الاثنين أضرب [أبشع] من بعض.

    والله أريحلك بلالك وجع الراس، أصلاً أخبارنا هي هية، ما تغيرت، نفس المسلسل، عمرو ما رح يتغير.

التعليقات مغلقة.