بسببها، الكلّ ابتسم.

منذ لحظة ركوبي في سيارة الأجرة ونظرات التكدر والعبوس على كلّ وجه، حديث الغلاء والمازوت، كيف سيطعم أولاده، كيف سيحممهم، كيف، كيف، كيف…

إلى أن وصلنا لتقاطع طرق أسفل جسر القطار قرب حيّ الجميلية، فجأة انعطفت سيارة إلى اليسار، لكن على ما يبدو لم تستطع اكمال الانعطاف، فأصبحت مؤخرتها [السيارة] عائقاً للسيارة المسرعة في الخلف التي قامت بالفرملة على عجل، وإذ بنافذة السيارة تنزل بسرعة [التي فرملت]، وتطل فتاة جميلة برأسها و شعرها الأسود، وبكل قوتها وبكل غضب، تشتم السائق شتيمتين ولا بالكون كله، ثم ترفع نافذتها وتسرع بسيارتها بعيداً.

صمت…يتبعه صمت….وإذ بالسائق الذي تلقى الشتيمة مبتسم، وينظر للجميع وكأنه يقول بفرح، هذا أنا، لقد قصدتني أنا، الشرطي كان أيضاً مبتسم، يكاد يضحك من هول الصدمة، والسائق الذي بجانبي مبتسم، وأنا أيضاً مبتسم.

جميعنا ابتسم ذلك اليوم.

  • ما زالت رحلتي مع تجديد جواز السفر مستمرة، اليوم تمكنت من الحصول على موافقة شعبة التجنيد، بعد شرائي لكفالة تجنيد لم أكن أعلم بها، توجهت لفرع الهجرة والجوازات وعلى ما يبدو أنهم يتبعون نظام أتمتة، لكن بسبب الزحام أو لشيء آخر، كان النظام شبه معطّل، وصلت للصندوق، ويوم السبت سأتابع رحلتي من هناك.
Advertisements

26 thoughts on “بسببها، الكلّ ابتسم.

  1. الجمال يجعلك تنسى أشياء كثيرة ..
    سواءاً جمال المرأة أو الرجل أو الطبيعة وأي شيء آخر .. :)

    بالتوفيق لك في رحلة تجديد جواز سفرك :)

  2. ظريقة :)

    مشان جواز السفر , انا دفعت 50 ليرة مشان الكفالة , بس من 6 سنين , على كل اخر مرة ساويت جوز السفر لأختي اخد بالزبط 15 دقيقة و استلمنا اخر النهار ,

    يعني احسن من اول :) , منيح يلي بلشت في هلأ ابل زحمة الصيف

    تحياتي لك :)

  3. محمد ::.
    ~~~~~~
    والله يا أبو حميد البنت كانت ساحرة بالجمال، يا سيدي فعلاً، الجمال فتنة.
    تسلم يا طيب.


    Qabbani ::.
    ~~~~~~~~
    يا سيدي الهجرة والجوازات من هلأ زحمة قتول، المشكلة مو بالمعاملات، لأنو الموظفين حرام، عم يشتغلوا بسرعة وكلو وفق نظام مؤتمت، المشكلة هي إنو بس يجي يدورك، وأنا تنح وعنيد، كذا واحد قلي، أكبس الموظف الفلاني خمسمية، وأموري بتمشي بسرعة وبتخطى الدور، وأنا والله على جثتي ما بعطي قرش واحد زيادة :mrgreen:

    أما عن كفالة التجنيد، والله يا موفق 5000 ليرة سورية، يا أما بتدفعها بالمصرف العقاري أو بتشتري كفالة تاجر من براكات القصر العدلي، الحل التاني أرخص، تقريباً 2000 ليرة.

    كفالة الهجرة والجوازات صارت 200 ليرة.

    وعلى فكرة كتير استفدت من مقالك عن تجديد جواز السفر، دورت من يومين بالانترنت، مافي غيرك بكل النت كاتب عن الموضوع.

    تحياتي، أحلى موفق.

  4. عنجد علوش هاي الشغلات اصبحت منتشرة كثير في مجتمعاتنا العربية ،، البنت تشتم مثل الولد بل و اقبح من ذلك بكثير ،،، هو غريب لكن ،، ومتل ما بقولوا : ” مين سمع بالله ما يقول”.
    وبخصوص السائق (المشتوم) فانا لو مكانة كنت عملت نفس الشي ،لانو مش ممكن ارد الشتيمة كمان مش ممكن اروح اضربها فالاحسن ابتسم ،،،، وبعدين هو حد محصلها.
    هاي حياة يا علوش وبدها تمشي رغماً عنا.
    ~~~~~~~~~~~~~~~~~~~~~~~~~~~~~~~~~~
    اما الجواز فان شاء الله ينتهي علي خير وتتوفق ،،،
    تحياتي

  5. شو بدنا شهيتني كون معك بهيك لحظة وفعلا الجمال فتنة الله يهونا علينا على كتر ما بيشوف الواحد هالإيام بنات حلوين بيصير أحيانا لو إنو عايش على راس جبل لحالوا وبلا وجع هالراس علما إني عم بحكي وحابب أحلى وحدة بالعالم

  6. مو فاهمة كيف النظام في الدول العربية! ليش بيحبوا التعقيد?!! @_@
    لما عملت جوازات أولادي ما أخدوا مني إلا 3 أيام باعتبار انها جوازات جديدة.. وانت ما عليك غير تدفع الرسوم 300 رينجيت = شي أقل من 100 دولار وتجي تستلمهم بعد 3 أيام!
    جوازي لما جددته أخد نص يوم بس ادفع 150 تبع الرسوم وروح افطر وشوف مشاويرك وتعال آخر النهار خده :D

  7. :)
    :)
    شايف الابتسامة العريضة
    ولاكلمة …… هههه

    :)
    تجديد الجواز عملية معقدة في وجود التجنيد ، لكن ربنا يخلي الكلية
    كل شئ بيحله الكارنيه :)

    في آمان الله
    رادار

  8. محمد ارشيد ::.
    ~~~~~~~~~~~
    هلأ بالنسبة للموضوع، ما فكرت فيو متل ما فكرت فيو إنت، يعني كمان البنت انسان، ومن حقها تعصب وتغضب، ويلي عملو السائق فعلاً مثير للعصبية، لكن بنفس الوقت الحالة كانت غريبة فعلاً.

    تسلم كتير وأهلا وسهلا فيك.


    أحمد نذير بكداش ::.
    ~~~~~~~~~~~~~
    تسلم أخ أحمد، وأهلا وسهلا فيك.


    محمد max13 ::.
    ~~~~~~~~~~~~
    يا سيدي الله يكملها معك على خير ونفرح فيك يا رب.


    A.Gdedouy ::.
    ~~~~~~~~~~
    صرنا 2 ، هههه.


    asma ::.
    ~~~~~~~
    عملية اصدار الجواز لا تأخذ سوى 15 دقيقة بالضبط، لكن بسبب الزحام تعطّل نظام الأتمتة وأصبح الدور طويل، وكوني وصلت في نهاية الدوام لم أتمكن من الحصول على الجواز في نفس اليوم.

    عملية التعقيد ناتجة عن عدم أتمتة أجهزة الدولة جميعهاً بالدرجة الأولى وعدم التنسيق فيما بينها بالدرجة الثانية، فعلياً التعقيد الأساسي الذي واجهني هو الحصول على موافقة شعبة التجنيد.


    رادار ::.
    ~~~~~
    شو يعني كارنيه؟

    يا سيدي تسلم، وأخيراً حصلت على الجواز اليوم.


    FaRaH M ::.
    ~~~~~~~~~
    هي كملت طريقها ويمكن ضليت عم تسبوا طول اليوم، لأنو فعلياً لولا انتباهها وانعطافتها السريعة، كان وش سيارتها كلو راح.

    على كل ردة فعلها وخصوصاً إنو صادرة عن أنثى كانت غريبة نوعاً ما.

  9. انو عادي يعني وين المشكلة بالموضوع ..

    أنو شو كان بدها تضحكلوا يعني .. ولى لأنها بنت مابيحق لها تعصب

    ياما مبهدلة شباب أنا ;) .. بس طبعا مو بهيك موقف :roll:

    أي ما قلتلنا شو صار معك اليوم بجواز السفر .. مشي الحال؟

  10. Fatosha ::.
    ~~~~~~~~
    ما هون المشكلة، بعد ما ابتسمت صرت فكّر، إنو لو كانت صبي شو كان صار، يمكن كانت صارت جريمة.

    بقا عم تبهدلي شباب :mrgreen: ، والله مانك قليلة.

    الجواز صار بايدي، انتهت الرحلة بسلام، جاري تحضير وجهة السفر ;) :(

  11. بينفع ابتسم أنا كمان ؟؟ :)

    تخيلت الموقف …. عادي بتحصل في أحسن العائلات … (مرة صارت مع سيدي لووووول )

    الله يعينك يا خي على الجوازات … (بعرف إنها تعقيد عندكم بسوريا)

    تحياتي و تقديري

  12. كارنيه الكلية = بطاقة الكلية = إثباتك بالكلية = الكارت الصغير اللي مكتوب عليه اسمك والكلية اللي انت فيها :)

  13. ظاهرة السيارات المسرعه و الائقين الوقحين اصبحت موضة العصر ….
    مشكله كبيره تنتج عنها حوادث كبيره …

    هذه اول زياره لدي مدونتك …
    سوف اضع مدونتك في خانة مدونات صديقه في مدونتي …
    http://www.mo3anah.wordpress.com
    و شكرا…

  14. مستر بلوند ::.
    ~~~~~~~~~~
    صدقني أنا نفسي ما فهمت، ببساطة الموقف كان عفوي جداً.


    سامي منصور ::.
    ~~~~~~~~~~~
    تسلم يا رب، وأهلا وسهلا فيك.


    Lalla Mona ::.
    ~~~~~~~~~~
    :)


    رادار ::.
    ~~~~~
    إيه قول هيك من الأول، وأنا كل فكري شي أكله طيبة من مصر، هههه، نحن عنا اسمها “مصدّقة”، وهي من عبارة: “مصدّقة دراسية”. يعني منشان يصدّقوا إني أنا عم أدرس.


    eHaB_aHmEd ::.
    ~~~~~~~~~~~
    أهلا وسهلا فيك، وشكراً على الاضافة، جاري متابعتك.

  15. و يا علوش مبين عليك انو البنت عجبتك كتير نحنا عم بتصير مواقف متل هيك ولو كنت انا مكانها كنت تنرفزت وعصبت كتير لانو السواقة متعصب كتير…….
    اما جواز السفر فحظ سعيد الك لانو نحنا هيك شغلات عم تاخد وقت كتير عندنا انا لحد هلأ ما عندي جواز سفر لاني ما اقدر اصبر…….

  16. ساره ::.
    ~~~~~~
    والله البنت حلوة كانت، وسيارتها أحلى :mrgreen: .
    أنا من لما أخذت شهادة السواقة ما مسكت الدركسيون، ههه، مرتاح من السواقة.

    الحمد لله طالعت جواز السفر وخلصنا من هل القصة، وعقبالك عندك.

    أهلا وسهلا فيكي.

  17. رائعة هذه اليوميات النابضة بألوان الحياة وصخبها

    و جنونها ….

    احب ان التقط التفاصيل و اقف على حدود الانبهار واتسقط الحوادث المتناثرة

    سأكون هنا دائما حيث يعشب الياسمين الشامي و يتركز رحيق الورد الدمشقي

    كل جواز سفر وانت مسافر
    شهرزاد

  18. سلوى ::.
    ~~~~~~~
    تسلمي يا رب، سعيد أنك ابتسمتي :) . عقبال عندك بالنسبة لجواز السفر.


    شهرزاد ::.
    ~~~~~~~~
    واو شهرزاد، شو هل التعليق الحلو، أبهرتيني بكلماتك، تسلميلي يا رب.
    وأهلا وسهلا فيكي.

التعليقات مغلقة.