الجوع كافر…

بعد عودتي من الجامعة وأثناء دخولي للمنزل عبر حديقته، شاهدت والدتي وهي تطعم القطط، وهم 3 قطط ولدوا في حديقتنا، وتعودنا على وجودهم في حديقة المنزل، ظننت أنها تطعمهم مرتديلا أو علبة طون، او سردين، وكالعادة بادرت معاتباً إياها، ماما ما بيصير هيك، لا تعوديهم على اللحمة، الناس عم تموت مـــــن…. / فقاطعتني قائلة: مجدرة.

– وقفت مستغرباً، كيف؟.

– مجدرة، عم ياكلو مجدرة؟.

– مجدرة؟، لهون وصلت معهم، حيوانات لاحمة عم تاكل مجدرة؟، والله الجوع كافر.

قطتان مشغولتان بأكل المجدرة

أثناء الحديث لم تفوت القطط فرصة لالتهام وجبتهم، فغالباً ما أزعجهم، فيقررون الذهاب بعيداً عني حتى أذهب…

قطتان مشغولتان بأكل المجدرة

هذه المرة اقتربت منهم، ولم يهربوا، بل لم يهتموا لوجودي….يا أخي شو بدك بالحكي، يلعن أخت الجوع.

Advertisements

28 thoughts on “الجوع كافر…

  1. مجدرة ؟
    كشري يعني و للا شو .. يا عم حكينا بالعربي
    حدث معي موقف مشابة لكلب صغير دخل علينا العمارة .. و لن تصدق ماذا أكل من جوعه الشديد … خبز .. فقط خبز
    وقتها حمدت الله أن الخبز المصري (نسمية العيش البلدي) يمكن لكائن حي أن يأكله سوى المصريين :D

  2. إبراهيم عبد الغني ::.
    ~~~~~~~~~~~~~~
    المجدرة: وهي مخلوط العدس والبرغل أو الرز, مطهى بزيت الزيتون ويضاف اليه البصل المحمر.

    شو يعني كشري؟.

  3. نعم ؟!!!
    لا تعرف الكشري المصري ؟!!!!!
    ياللكارثة … الكشري يا أستاذ هو مخلوط “مدمر” من العدس و الأرز و المكرونة و الصلصة الحارة و الدقه “خل+ثوم” و البصل المحمر. :D
    إنها الأكلة الشعبية الثانية فى مصر بعد الفول و الطعميه “الفلافل”

  4. “مجدرة” ..
    يا علوش شو هالاجرام؟..
    لم أتعرف عليها إلا من خلال مسلسل الفصول الأربعة.. وفيه كذلك تعرفت على العديد من المأكولات الورية منها الكبة :)
    بالنسبة للقطط.. فأرجو ان تقوم بعمل زيارة لأقرب قمامة -أكرمكم الله- وانظر ماذا ستجد.. اظنك جربت الامر وإن لم تجربه فافعل ولاتنس ان تصوره

  5. المجدرة أكلة مقدرة يا أخي :D
    خيو القطط بتاكل أي شي المهم يكون طيب، يعني متل ابن آدم

    بس انتبه عليها من المرتديلا، لأنه بتسمم منها ويمكن تموتها

  6. والله الجوع كافر، يا اخي بالشام لما نحط اي شي زايد من الأكل على شباك المطبخ، بس اعطي شي نص ساعة وبترجع بتلاقي العصافير آكلينو وناقرين الصحن كمان.. الله يجزيكم الخير على احسانكم :) تحياتي..

  7. ذكرتني يالصوص يلي كان عندي .. كون عم باكل صندوشة مالقيه غير نط وصار ينقورني ..

    يقعد ياكل جبنة الله وكيلك..

    حلوين القطاط .. أنا بحبهن .. وعلى قولة زياد..

    أنا مش كافر .. بس الجوع كافر

  8. مجدرررررة؟؟؟
    هأقول لماما تعملي :D
    أصل زميلتها في الشغل سورية وما شاء الله بتطلع لنا كل يوم بأكله تجربها فينا
    مره عملت لنا أكله غريبة كده في مش فاكرة اسمها بس تقريباً لحمه مفرومة في لبن!!!!!

    فتوشة…
    كان عندي صوص (في رواية أخرى كتكوت)
    كان بياكل الملوخية الخضرا قبل ما تنطبخ
    هههههههههه

  9. ياعمي سيبهم ياكلو… الله… حرام !!!

    اوه انا عندي سؤال لو سمحت : إنت ليش دائمًا بتقول “يلعن أخت ” ؟؟؟؟؟؟؟

  10. loool
    by the way, cats especially kittens love home made meals more than the canned ones
    mine is 4 months old and i cant risk and feed her any home made food – cause I lost one before because of bad eating sysytem- but still she is so sneaky, she always find a way to eat from our food!
    and mjadarah is so yummy meal for them!!
    nice post

  11. إبراهيم عبد الغني ::.
    ~~~~~~~~~~~~~~
    “و الصلصة الحارة و الدقه “خل+ثوم” و البصل المحمر.” عندك وقف، مافي داعي تشرح أكتر، هذا هو غرامي، الخل والثوم، يا عيني يا عيني…..يم يم.

    حمود ::.
    ~~~~~~
    أهلا وسهلا فيك أخ حمود، سعيد بوجودك.
    هسس، بلا فضايح… :mrgreen: ههه، يا زلمة كأنك عايش معي بالحارة، سبحان الله، والله العرب أمة واحدة، حتى القمامة في سوريا هي نفسها في الجزائر :mrgreen:

    حسام ::.
    ~~~~~~~
    صدقت يا حسام، عنجد كتير طيبة خصوصاً مع اللبن، والسلطة، والله شغلة كبيرة.
    أنا هيك حسيت، مرة عطيتها قطعة شوكولا، يا زلمة شوف عيونها شلون فنجرتهم، وكأنو عم تشرب شي منشط…آخر سلطنة.

    Mohammad Online ::.
    ~~~~~~~~~~~~~~~
    يا هلا مان، احلى أبو حميد.

    شيزاري؟ ايرانيات هدول؟، سمعت عنهم، حق الوحدة يمكن 4000 ليرة، مهيك؟، الصغيرة منهم….زيتون؟؟؟، يلعن أخت الذل…ههه.

    Jasmina ::.
    ~~~~~~~~
    أي شي؟ ولي ، هدول عصافير متوحشة…إذا الواحد نسي حالو ونام على البلكونة، ما بيخلو فيو شي…هههه.

    أنا بموت بالشام وعصافير الشام ;)

    Qabbani ::.
    ~~~~~~~~
    ولك هلا بأحلى موفق، وبكل السوريين في الأردن…
    قولتك قناعة؟، :mrgreen: بدي دروس منهم على هل الحالة…

    fatosha ::.
    ~~~~~~~~
    ياي ذكرتيني بأيام الصيصان، لما كانو يبيعوهم ملونين، مرة اشتريت منهم وماتوا، كتير زعلت عليهم :(

    يبقى طلي علينا فتوش :) .

    قطر الندى ::.
    ~~~~~~~~~
    حلو كتير، صار بدي حدا من سوريا يعرف يعمل كشري، شنو الأخ إبراهيم، شهاني عليها، شنو فيها “ثوم وخل” وهذول مكونات اغراء قوية بالنسبة إلي :) .

    شوفي أنا بأسماء الأكلات كتير فاشل، بس يمكن اسم الأكلة شش برك، أو كبة بـ لبنية، أو شاكرية..؟؟؟ أنا اجرام بالمطبخ :mrgreen: …

    سلوى ::.
    ~~~~~~~
    يا أهلا وسهلا فيكي، نورت المدونة، معك حق، لولا ما عم نطعميهم كانوا ماتوا من الجوع، والقط الأشقر، كتير أزعر ما بخلي أخواته ياكلو، فبقوم أنا بحط صحن تاني لأخواته :) .

    Lalla Mona ::.
    ~~~~~~~~~~
    لأ، مو معقول، منى عندي بالمدونة، يا مرحبا، يا مرحبا :) .

    منى جد ما فيني، أنا القطط بموت عليهم، مستحيل أتركهم بحالهم، بدي أتحركش فيهم، بدي أتحركش فيهم، صعب :) .

    “يلعن أخت”؟، ما بعرف، هيك خطرت على بالي :) .

    أبو مروان ::.
    ~~~~~~~~
    اهلا وسهلا فيك، منيح يلي قدرت فيدك بشي.

    عابر سبيل ::.
    ~~~~~~~~~
    إيه أنا، ما بعرف :mrgreen: بس خلص من يوم ورايح رح تصير في قائمتي المفضلة، طالما فيها ثوم وخل، هلأ ضل بس بدي جرب أكلة من المغرب العربي، اسمها “كسكس” محروق قلبي على ما دوقها.

    Dania ::.
    ~~~~~~
    يا ميت مرحبا، ممتن وسعيد بزيارتك.
    نيالك عندك قطة :) ، انا ما فيني، كان عندي قطة، وربيتها، بس صار معي تحسس، واكتشفت إني جلدي بيتحسس من القطط، فصار هيك علي إنو أبعد عن غرامي القطط، بس مع ذلك عم لاقي طريقة أتحركش فيهم.

    لو تشوفي يوم أخدو القطة من البيت، أديش زعلت :( .

    أحمد نذير بكداش ::.
    ~~~~~~~~~~~~~
    فلذلك الجوع كافر… أهلا وسهلا فيك.

  12. التنبيهات: efleg.com
  13. لاااء عم ياكلو مجدرة .. :(
    من لما كنت بتفرج ع مسلسل ( جميل وهناء ) وانا مشتهيتها كتير كتير :( وهلأ القطاط بياكلوها وانا لسه .. ياحيف بس يا علوش ..
    شو ما بدك تبعت لي شي صحن مجدرة :mrgreen:

  14. أي أي بنفس الفترة .. وقتها كانو دارجين كتير (كنا أطفيل :) بوقتها) ..

    بس أنا صوصي جبتو أصفر … قد ما كان متغذي ما شا الله صار جاجة .. وماما اعترضت على وجوده بالبيت لأنو هلكها ما كان يرضى يقعد بعلبتو يضل يطلع وينط .. صرفتوه على مزرعة عمتي:( .. وياحرام بعدها أجى حرامي سرقلهن كلشي جاجات عندهن ومن بينهن صوصي العزيز ..

    بتعرف أني نسيت قطي .. ولي على هالنسوة .. شنيكة ماغيرو :)

    كان ياكل كاتو مو بس مجدرة

  15. هذيان ::.
    ~~~~~~~
    جميل وهناء، واو، كان مسلسل حلو كتير، خلص تكرمي، واحد صحن لهذو، بشحن الاكسبرس…ههه، على فكرة طريقتها جداً سهلة، وأعتقد فينك تعمليها، وهو أطيب شي مع اللبن، أو السلطة، أو مع المخلل، يم يم.

    بشوره ::.
    ~~~~~~~
    يا هلا بشورة، نورت المدونة والله.
    لا حرام عليكي، كل يوم بتلاقيهم قدام الباب ناطرين وجبتهم، وإذا ما عطيتهم بيضلوا بينووا حتى نطلع ونطعميهم..

    fatosha ::.
    ~~~~~~~
    هههه، صار جيجة الملعون، والله دنيا، أنا رفيقي بوقتها كمان اشترى أصفر، وصار عندو جيجة، إلا أنا اشتريته أحمر ومات :( ، بتذكر كنت يمكن صف رابع، يعني يا 1995 أو 1994…يا الله على هل الزمن.
    “شنيكة” ؟؟، هذا اسمو؟، بدنا تدوينة منك عنو لهل القط…

    هلا فتوشة.

  16. والله القطاط يلي ربيناهون على مر السنين ما بياكلو غير لحمة .. مأنفين ..
    جوع ما جوع ما عندون .. والا بيجعروا بالمقلوب ..

    منيح منون عم ياكلو مجدرة :]

  17. والله نحنا عندنا قطط كتير بالحي الجامعي عايشين بالمطعم ومابياكلو االا اللحم النظيف نيالون والناس عم تموت من الجوع برة

  18. ســــارة ::.
    ~~~~~~~
    عايشين بالمطعم…يا ستي أشهدلك إنو قططكن أذكياء…نحن عنا القطط بخافو يقربوا من المطاعم لأنو أول يوم بيطعموهم لحمة، وتاني يوم بيصيرو القطط هن من وجبات المطعم :mrgreen:

  19. أصلهم هيعملة أية ,, لو مكالووش هايموتوا من الجوع و أكيد مش هنأكلهم لحمة ,, و انا مش عارف اية المجدره دية ,, بس كان ممكن تشربهم لبن و خلاص
    انا أعرف أن القطط بتحب اللبن

التعليقات مغلقة.