القبضاي وقطرة المطر…

اليوم كان مطر خفيف كتير، بس برد بوظ، المهم نزلنا من الميكرو ومشينا باتجاه الكلية، وبينما قاربت الوصول إلى مدخل الكلية، لفت نظري، فتى ضخم، عريض المنكبين، واسع الجبهة، أصلع، مفتول العضلات، ولا بتقول عنهم نحت.

لابس كنزة سودة ضيقة جداً، ويمشي كما ينطبق عليه المثال “عم يأحوط السما”، شايف الناس من رؤوس مناخيروا، ومفنجر عيونوا “من كتر المنشطات”.

وعم يمشي فوق الأرض وكأنو ملك زمانو، مو عاجبوا حدا، قرفان من كلشي حواليه، عم يتمختر على الأرض.

فجأة قطرة مطر صغيرة دخلت عينه، وإذ بتلاقيه انقلب وتخربط، وتجعلك، وما بعرف شو صرلو، بتقول حدا سفقو بوكس مو هيك، وما عاد يعرف من وين بدو يجيب محرمة، وايديه على عينه، وعم يدور على محل يوقف فيه، لأنو صار متل الأعمى.

سبحانك يا ربي على عبادك، قطرة مطر بتفشكلهم، فعلاً أجساد البغال وأحلام العصافير.

Advertisements

25 thoughts on “القبضاي وقطرة المطر…

  1. اي حمدلله انه انته ما دخلك بقطرة المي يلي فاتت بعينو

    مل يغرك لما بفتح و بلاقي محرمة برجع متل اول :)

  2. Qabbani ::.
    ~~~~~~~~
    هو المنظر العام كان بيكفي، يعني مهما رجع خلص، تخربط وضعه على قطرة مطر، قولتك منيح كنت بعيد عنه، وإلا كان طلع فيني وزورني، خوش أنا ما عندي عضلات طاول.

    Mohammad Online ::.
    ~~~~~~~~~~~~~~~
    ساعتها بقول، ولييييييييي، منكون أكلناها…

  3. هههههههههه يامحمد اون لاين

    وهي كذا الدنيا ياعلوش … اللي معاه فلوس بيتفشخر على اللي ماعنده .. واللي الله معطيه نعمه وصحه وكبر جسم بيتفشخر على الناس الثانيه … وأنا عندي قناعه ان اي شخص يحاول يبرز اللي الله من عليه سواء من مال او من عضلات او او او … الخ , بيكون بداخله نقص كبير ويبي العالم ينتبهون لوجوده لأنه في نفس الوقت هو شايف واحد فقير ومعوق والعالم تحبه وهو مركون على جنب…

    واستفدت من هالتدوينه كم كلمه سوريه …

    بس شو معنى المثل “عم يأحوط السما” ؟

  4. ههههههه
    حلو ربطك للمشهد بـ ( أجساد البغال واحلام العصافير ) .. D

    تصدق .. :) اشتهيت اكون في هالجـو … يعجبني جـــــدا ً المطــر الخفيف ..
    حاااجة ثانية ..

    وانتبه بكرة وانتا رايح ع الكلية ما يمسكك صاحبنا وتاكلها قتله :P

  5. ابراهيم ::.
    ~~~~~~~~
    “يأحوط السما” هي تستخدم بين الشباب السوري للدلالة على غرور الشخص، فعندما تشاهد أحدهم يمشي “مبوزم” يعني رافع مناخيرو لفوق، وعم يمشي كأنو ملك زمانو، وعم يتمختر على الناس ومفكر حالو كتير كبير لدرجة رح يدقر راسو بالسما، وهون يعني وهو عم يمشي من كتر مالو مغرور كأنو عم يأحوط (يشخوط) السماء، السماء هون متل سقف.

    هلا بابراهيم، نورت المدونة.

    اللغة اليابانية ::.
    ~~~~~~~~~~~
    هلا فيك وباللغة اليابانية، أعتقد أن صاحبة مدونة مزاجي عربي ستسعد بقراءة مدونتك http://moodyaisha.wordpress.com/

    هذيان ::.
    ~~~~~~~
    يا هلا فيكي، على فكرة هذا المثل بتذكرو من حلقة لبرنامج الكرتون الفرنسي “الماسة الزرقاء” لما كانوا على الجزيرة “بيشبه مسلسل لوست”، هذا الحكي من شي 10 سنين، حتى الآن متذكرها.

    قولتك؟، بدي غير طريقي معناتها، أو أعمل عضلات متلو، بصير علوش مفتول العضلات…واااااااو.

  6. بهنيك علوش .. قريت اكتر من شغلة كاتبون .. وفعلا فيهون شي كتير حلو ..وخفيف نضيف
    بتمنى تشرفني بزيارة على مدونتي باقرب وقت

    360.yahoo.com/almzanber

  7. لا تمش في الأرض فرحاً انك لن تخرق الأرض ولن تبلغ الجبال طولا

    علوش ظريف حبيتك

  8. اللغة اليابانية ::.
    ~~~~~~~~~~~
    سوني، ميتسوبيشي، فوجيتسو….هاها…عم حاول إلك يا هلا فيك بالياباني…كأني خربطت…ساعدني :) شلون منقول هلا فيك بالياباني.

    حموده ::.
    ~~~~~~~
    نووووووووووووووووووووورت حمود….هاها…خلي يعرف يقرا ويكتب، بعدين منحكي بالبوكس.

    Tamatem ::.
    ~~~~~~~~~
    هذا شي أكيد :) .

    أحمد نذير بكداش ::.
    ~~~~~~~~~~~~~
    وأنا بشرفني زيارتك كل يوم، تسلم كتير أبو حميد.

    المزنبر ::.
    ~~~~~~~
    سعيد أن مدونتي المتواضعة أعجبتك، جاري زيارة مدونتك، وتم اضافتها لتتبع آخر أخبارها.

    عابر سبيل ::.
    ~~~~~~~~~
    يا ميت هلا بالأخ داوود.
    ما هون الفكرة يلي عم أحكي عنها، وهي التكبر، يعني على شو، على هل كم عضلة، وعم تمشي كأنك فرعون زمانك، ومن قطرة ماء، خرب منظرك كلو.

    مشكور على اللفتة “ياكل متكبر !! مع انه ياكل غصبا عن خشمه ولا بيموت”، تصوير رائع.

  9. الاسم (مطلوب) ::.
    ~~~~~~~~~~~~
    له يا زلمة، معقول هيك، وين اسمك؟، كيف بدي أعرفك طيب؟.
    على كل شكراً إلك وعلى زيارتك.

  10. سبحان الله
    هذه حال الإنسان أخي علي
    أضعف أضعف المخلوقات ولكن عقله وقوته التي وهبها الله إياها بتفرعنه :D
    بس مع أول مشكلة أو تكفينا قطرة الماء تلك
    يزهر على حقيقته الضعيفة

  11. مقال مفيد ونافع كالعادة أخي عــــــــــــــــــــــــــــــــــــــلوش
    في مرة اسد كان قاعد بالغابة وشايف حالو لانو ملك الغابة وفجأة ذبابة صغيرة دخلت لعينو وصار ما يشوف شي يعني صار أعمى من هاداك اليوم.
    سبحان الله يجعل اعظم الأسرار في اصغر خلقه

  12. قطر الندى ::.
    ~~~~~~~~~
    فعلاً سبحان الله، ولله في خلقه شؤون.

    محمد ::.
    ~~~~~~
    هلا محمد وتسلم على التعليق اللطيف.

    ســــارة ::.
    ~~~~~~~
    هلا سارة، مظبوط هي القصة أخدناها بالاعدادي على ما أذكر وحتى في بيت شعر حولها، نسيته.

  13. اللغة اليابانية ::.
    ~~~~~~~~~~
    آرشايء ماسيه …. حلوة..شكراً

    female ::.
    ~~~~~~~
    منيح ما شافك، لأنو ما خرج المزح معو طاول :)

    عبدالله الاسمري ::.
    ~~~~~~~~~~~~
    أهلا وسهلا فيك، شرفت المدونة، فعلاً كلامك درر.

    ربيع بكداش ::.
    ~~~~~~~~~~
    كمان بكداش؟، شو عاملين شلة على الانترنت؟

    يا سيدي بتشرف بزيارتك إنت وآل بكداش كلهم، (بتقربوا شي لصاحب محل أشهر بوظة بدمشق) في دمشق القديمة.

    إيه شو بدك تخورفني إنت، قال اضحك، ناقصني، شو مفكرني فان دام..هههه

التعليقات مغلقة.