بالنسبة للتحاليل صراحة ما بعرف، لكن كمشاركة للمعلومات مو أكثر.
من خلال ورقة التحليل تبعي هنّ بيكتبو القيمة الفعلية يلي هي نتيجة الاختبار، وجانبها القيمة الطبيعية، أو القيمة المعيارية، بالنسبة للقيم المعيارية الموجودة على الورقة يلي من خلالها يتم المقارنة مع القيمة الفعلية كان مكتوب ما يلي:

GPT: Up to 41
GOT: Up to 31 for females

بمعنى إنت ضمن المدى السليم.

بكل الأحوال أنا مالي طبيب ولا بفهم بهل الأشياء، لذلك ثقي بطبيبك وهو بكل تأكيد المرجع الأخير بالنسبة إلك.

أنا بالنسبة إلي لما طبت وعملت التحليل مرة تانية كان GPT = 45 يعني قاب قوسين من الشفاء الكامل، لكن مع ذلك صراحةً واجهت صعوبة بالتخلص من الحمية الغذائية والعودة بكل بساطة للأكل العادي.

صار معي متل فوبيا غير مبررة من الأكل الدسم، واستمرت لأسبوع، حاولي ترجعي للأكل بالتدريج، علماً انو طبياً الحمية كلها مالها طعمة، [على قولة دكتوري]، فيعني توكلي ع الله وارجعي للأكل باعتدال.

في نقطة بحب قلك ياها، أنو رح تحسي باللخبطة والكركبة شي شهر، هذا شيء عادي وهو نفسي، أنا عملياً ضليت لآخر آذار يعني شهر بعد الشفاء، حتى حسيت انو نفسيتي رجعت متل أول، خصوصاً بالنسبة للأكل من برا لأنو صار عندي متل فوبيا من أكل السوق.

أخيراً ألف عافية وسلامة يا رب،

وإذا كان عم يوجعك شي تاني بكل تأكيد زوري الطبيب حتى تطمئني، ومتل ما قلتلك طبيبك هو مرجعك الأخير.

تحياتي إلك، وعليكي العافية مرة تانية.

GPT 4
GOT 7
وحسب قول الطبيب اني تعافيت وقال ان اتناول الاكل لعادي الا اني اعاني من الالام خفيفة في الكبد