أنا زلمة بعشق الشمس، و بعشق الحرارة، و الصيف فصلي المفضل، الصيف كل شي فيو حلو، الشوب، الحرارة، الشمس، الدفا، الأزياء، الألوان، طبخاته و أكلاته، وسلطاته و عصائره، لك حتى الحمّام بالصيف مافي أطيب منو، الكون من حولك بتحسو عم يحتفل بالحياة، من البشر للحيوان للنبات.
إليكم رؤيتي للصيف…
الحصرم، حامض في بدايته، حلو في نهايته.
أحلا ظلّ، وأحلا سقف
كأيّ رضيع في هذا العالم، متمسك بالحياة
البنفسج توّاق للشمس
أخيراً، الشتاء و الصيف معاً بصورة واحدة…
بين الشتاء و الصيف، حياة، لا تنتظر أحد...
في فليكر ستجد ثروة من المبدعين و المصورين المحترفين و الهواة، ستندهش لكمّ الصور الهائل التي تثير اللعاب، فن الرسم بالضوء، و الرسم الرقمي و اليدوي كله على فلكر، و بيكاسا ليس بأقلّ منه.
انما إن كنت تبحث عن صور لمحيطك الذي تعيش فيه لا بديل عن بانوراميو حيث جميع صوره محددة الاحداثيات وتظهر على برنامج غوغل ايرث كما يقدم ميزة رائعة، وهي تحليل الصور التي يتم ربطها احداثياً تجاه مكان معين، وعندما تصبح الصور كثيفة بمكان معين، حيث تكون الصور لهذا المكان من جميع الزوايا و الاتجاهات يقدم لك جولة افتراضية فلاشية تفاعلية بناء على مجموعة كبيرة من الصورة، هذه الميزة تدعى [Look Around] = [خدلك نظرة]، و خدلك نظرة على قلعة حلب.
إليك حسابي في فلكر، و بيكاسا، و بانوراميو يمكنك التعرف على العديد من السوريين في قائمة أصدقائي، بالاضافة إلى مصورين من الوطن العربي، بالاضافة إلى مجموعة سوريا، و مجموعة حلب، و مجموعة مصورون سوريون نشطون.
هل تعرف المزيد من حسابات السوريين على فلكر؟ أرشدني إليهم، هل لديك أي مجموعة سورية على فلكر تحتوي صور رائعة؟ أرشدني إليها، هل لديك حساب على فليكر؟، كمان أرشدني.
الصور جميعها برخصة سي سي الحرّة، انسخ و عدّل و اطبع على كيفك، [شرط الاشارة للمصدر، وشرط عدم الاستعمال التجاري، وأن يكون الناتج من نفس الرخصة].
36.191089
37.166748
Like this:
2 bloggers like this post.
هناك مجموعة من المصورين السوريين أنشؤوا موقع http://www.atleastart.com وهذا الموقع يهتم بالتصوير والكتابة بشكا احترافي ومبدع يمكنك الاشتراك معهم أو مشاهدة صورهم
فكرته حلوة بس لو كان فيو دعم RSS للمتابعة عن بعد، او نشرة بريدية؟.
سجلت بالموقع، وضفته لألوان، وعم بحبش فيو.
شكراً إلك، تحياتي.
حلو كتير، غير شكل
أحلا كنان، تسلم يا رب.
علوش اصبت واحسنت بعرضك ، غير اني أتسائل لماذا خدمة بيكاسا غير مشهورة ومتعارف عليها كما هو الحال بفلكير ، علما بان طريقة العرض والتخزين ورفع الصور في بيكاسا افضل من فليكر بمئات المرات.
لاابالغ إن قلت بانه لا مجال للمقارنة بين بيكاسا وفليكر.
كما انه يمكنك استغلال كون الصورة في بيكاسا اكثر في حال كنت مدون او تستخدم خدمات غوغل او حتى الجي ميل.
آلا توافقوني الرأي بأن هناك خدمات إبداعية لغوغل لم تأخذ حقها كما يجب.
لا يقتصر الامر على بيكاسا ، فهناك خدمة هي افضل من الفيس بوك تسمى http://www.orkut.com
وهناك خدمة غوغل صدى افضل واسلس من التويتر.
دمت بخير
كلامك صحيح، في خدمات من غوغل ما أخدت حقها أبداً.
بالنسبة لبيكاسا فهي عم تمشي بخطى قوية جداً، كل سنة عن سنة عم لاحظ كثافة الألبومات في بيكاسا، لكن بضل فلكر كونه الأول محبوب أكتر، عدا انو بيعطي مساحة أكتر.
بالنسبة لأوركوت، فهو ضعيف نسبياً، يعني ما ضاف شي، عكس الفيسبوك يلي اجا بقوّة الخصوصية و قوانينه يلي بتمنع الملفات المزيفة.
وأخيراً، برأيي أفضل خدمة ويب، هي الخدمة يلي بيستعملها كل أصدقائك، يعني مثلاً صدى غوغل كتير حلوة، لكن صعب تستمتع فيها ان ما كان كل أصدقائك على الصدى.
تحياتي إلك.
علوش بالنهاية لاقيت نقطة مشتركة بشكل كبير بيني وبينك وهي حب الصيف المجنون بشكل كامل، وبغض النظر عن الجرئيات فالصيف بشكل عام بيكتسب جماله من الجموح يلي بيطغى على كل شي
تلحس أنفي، هي النقطة المشتركة بشكل كبير!، فكرت رح تقول هي أحلا نقطة مشتركة!، كل هل العمر مع بعض و هي النقطة المشتركة :)
هي النقطة المشتركة يلي ما فيها شوائب نهائيا
ايه اذا هيك دبحتني.
بكر ه الصيف
بكرهو بكرهو
وكل شي بمت لأله
من العرق و روايح الناس و الدبق و الضوء يلي بعمي العين و قلة الهوا والعجقة والدخان
طولي بالك ولوووووو، كون بحب الصيف مو يعني بحب ضل تحت الشمس و أتحمم بالعرق و أقعد بالزحمة و الخنقة، يعني حب الشوب بكل بساطة بحب الدفا، مو الجحيم!.
ايه شو يعني اذا بحب الشتيه لازم أغطس بالتلج، وأتحمم بكل مشوار، وأتعبى بالطين، وأصابيعي ما حس فيهم، وألبس طن من الصوف كرمال يتحرك الدم بعروقي.
ع كلّ هي تحية من مشجع الصيف لمشجعة الشتاء، تماشياً مع روح كأس العالم :) .
مع إني بكره الصيـف كراهيـة مو طبـيعيـة ، وبتمنى يزول من فصول السنـة ، بس ليش الكذب .. الصور حلويـن كتيـر
وشكراً على المواقع كمان
تحياتي
حرام عليك، وأنا وين أروح بحالي اذا راح الصيف! :)
تحياتي إلك.
يعني الصور كتير حلوين وشغل محترفين فعلاً شي رائع .. وبيشهي عالصيف مع أنو شوب كتير وفايت بالحيط :)
تهنى فيه .. أيامك ليكو أجا :)
برجع بقول الصور من أروع ماشفت .. كتير حلوين
تحياتي :)
تسلمي يا رب، أخجلتي تواضعي :)
تحياتي.
http://www.flickr.com/photos/ahmadantar/
بالأول كنت ارفع عليه صور كتير بس بعدين بطلت و مافيه إلا كام صورة
تصوير ولا أروع!
تمّ حفظ بعض الصّور
تقبّل مروري ..