في أنواع كتيرة للزيتون، والزيتون المكلس أحد ألذّ الأنواع بالنسبة إلي، الزيتون المكلس بيرجعني لذكريات الطفولة، لأيام من أجمل لحظات العمر، لحد الآن بتذكر كل التفاصيل المحيطة وقت كنا نقعد وناكل زيتون مكلس.
زيتون مكلس، ولا الفستق الحلبي
الأوسمة: زيتون, زيتون مكلس
2009/10/26 عند 10:49 صباحاً |
كيفك علوش :
كيف يتم اعداده اذا سمحت .. وما تاركك حتى تسرد كيف ..
.
تحياتي
2009/10/27 عند 9:28 م |
هذا يا سيدي الوصفة من الوالدة:
كل خمسة كيلو زيتون بتحط 100 غرام قطرونة* [بتجيبها من محلات الزيتون] مدوبة في ماء فاتر وبتحركها بمعلقة خشبية في وعاء بلاستيكي حصراً.
بتحط الزيتون فوقهم شوي شوي بدون تطريش، وكل عشر دقائق بتحركهم حتى تشوف ولا زيتونة فايشة، بيجوز تضل 4 ساعات أو أكتر، حتى تصير الماء حمرا على سودا كتير.
بعدين بتشيل زيتونة [عينة] وبتغسلها بالمي العادية منيح وبتدوقها، اذا طلعت نظامية ما فيها مرارة معناتها مشي الحال.
وقتها بتقلب كل المي الموجودة بالوعاء وبتحط بدالها مي عادي [يعني مية شرب] وبتستنى كل ربع ساعة وشوف المي اذا رجع تغير لونه ارجع غير مي الزيتون هيك حتى تصير المي بيضا [شي 24 ساعة رح تضل تقلب المي].
بتحط وقتها ماء وملح [ملوحة معقولة] بقطرميز وبتخزن فيو الزيتون وصحتين وهنا.
* – القطرونة خطرة ما بصير تدوقها ولا بصير تدقر جلدك أو تستنشقها، لكن الكمية يلي رح تنقع فيها الزيتون حصراً 100 غرام لكل خمسة كيلو زيتون ما بتساوي خطورة على الزيتون لأنو العملية بس منشان تشيل المرارة من الزيتون، وبعدها لما بدك تغسل الزيتون أكتر من مرا لبين ما يروح كل أثر القروطنة ما بيكون في أي خطورة أثناء الأكل.
– في حل تاني أسهل، تروح ع شي محل معلبات وتطلب علبة زيتون مكلس من شركة متل شركة الدّرة
2009/10/26 عند 11:36 صباحاً |
لك إإإإإإإإإإإيه ياعيني شهيتنا
المكلس والمحشي فليفلة احب انواع الزيتون بالنسبة إلي
2009/10/27 عند 9:31 م |
روحنا المحشي فليفة والمحش جزر، غرام الزيتون غرام.
2009/10/26 عند 12:07 م |
أحب الزيتون، وأحب تعدد أنواعه..
أعشق تذوق الزيتون
2009/10/27 عند 9:31 م |
صحتين وهنا يا رب.
2009/10/26 عند 4:51 م |
يمي يمي .. باكلو متل ما باكل الفستق .كتييييير بحبو
بحبو حتى مخلل
لأ وكمان بحبو مع اللبنة طابات
هالتدوينة بتعمل جوع
2009/10/27 عند 9:33 م |
صحتين وهنا، يا ستي ع سيرة اللبنة طابات هلأ شهيتني ورايح أحط عشا كلو من مشتقات الحليب، لبنة، سوركة، شنكليش، ويا عيني يا عيني.
2009/10/26 عند 7:54 م |
زيتون اسمه غريب اول مره اسمعه
الله يخلي لك الزيتون المكلس خيوو ^_^
موفق
جنات
2009/10/27 عند 9:34 م |
عادي هو بشكل عام أكلة محلية، حتى بسوريا في ناس ما بتعرفو.
تحياتي إلك.
2009/10/27 عند 9:27 صباحاً |
فعلا علوش ولا أطيب من هيك فالزيتون ملك الطاولة دائما وفية البركة والفائدة صورة تيعث الى الجوع
2009/10/27 عند 9:35 م |
هلا فيك وألف صحة وهنا.
2009/10/27 عند 5:12 م |
يعني هاد بنقعوه بالكلس قبل التمليح ؟!
2009/10/27 عند 9:35 م |
لأ مافي كلس بالموضوع، انظر إلى ردي في الأعلى، تحياتي إلك.
2009/10/29 عند 3:09 م |
بيتاكل متل القضامة من كتر شو طيييييييييب …
2009/11/02 عند 5:59 صباحاً |
صحتين و هنا فرح، سعيد بوجودك.
2009/11/02 عند 1:03 صباحاً |
شممت رائحة الزيتون الزكية
فاقتربت من داركم ….
لابد من أنني وصلت متأخرا ً
فلم يبقى الرفاق لي شيئا
ولا حتى حبة زغيرة .
مررت من حيكم فلزمتني القراءة
ود
2009/11/02 عند 5:59 صباحاً |
كلك ذوق، وهلا فيك.
2009/11/07 عند 10:34 صباحاً |
من كم يوم كنت عم ساويه مع ستي وأول مرة بتعرف على القطرونة .. اختراع بالفعل.
تحية
2009/11/07 عند 12:29 م |
تحياتي إلك، وألف صحة وهنا.